هل فعلاً الاندومي بتعمل سرطان؟؟ الاندومي بتعمل فقر دم؟ الاندومي بتخرب خلايا الدماغ؟؟؟؟
الاندومي الاندومي الاندومي….
أسئلة بتعرض الها بشكل متكرر كتير ولهيك رح حاول احكي شوي عن هالأكلة المخيفة لكتير ناس
بالحقيقة مشكلة الاندومي هي بعدة نقاط بس كلهن مابيستاهلو الضجة المثارة حول هالاكلة..
– أولا بهارات الاندومي اللي فيها مادة غلوتامات الصوديوم أو MSG المشتقة من حمض الجلوتاميك واللي هو أحد الأحماض الأمينية المكونة للبروتين يعني موجودة بشكل طبيعي باللحوم والدواجن والأسماك والألبان وحليب الأم وكتير أغذية تانية .
هي المادة مستخدمة كمحسن للطعم و معروفة جداً بالطعام الصيني وال(FDA) بتعتبر أنو مادة MSG آمنة بشرط تناولها بكميات قليلة ما تزيد عن (١٠_١٣) غرام للشخص يومياً طالما ماعندو حساسية منها وهالكمية أقل بكتير من المستخدمة بعلبة الاندومي.
– الشي التاني السيء هو زيت الاندومي اللي هو زيت النخيل
وهو من الزيوت اللي مسموح باستخدامها صحياً ولكن بكميات قليلة بسبب احتوائو على نسبة عالية جداً من الدهون المشبعة يللي بترفع نسبة الكوليسترول بالدم وبالتالي بتأثر على صحة القلب والشرايين (ولكن برجع بعيد إنو هاد الشي متعلق بالكمية وليس بنوع الزيت تحديداً).
إقرأ أيضاً في لحن الحياة
فوائد تقليل استهلاك السكر والمقدار المفضل تناوله
شرح مفصل مع الأمثلة عن الظروف في اللغة الإنجليزية الدرس 26
اهم النصائح للذين يعانون من تقصف الشعر
قصة القاضي الظالم والسبب وراء لباس المحامين الأسود حتى يومنا هذا
– أما بالنسبة للاندومي بحد ذاتا فهي وجبة فقيرة بالمواد المغذية والفيتامينات والمعادن والألياف المفيدة وغنية بالسعرات الحرارية.
يعني كمحصلة بنلاقي انو فوائدها اللي هي الطعم الطيب والسعر الرخيص وسهولة التحضير غير كافية لنعتبر إنها وجبة غذائية ممكن تدخل بنظام الغذاء الصحي ولكن بنفس الوقت لايمكن انو نصنفها كوجبة خطيرة متل ما بتقول الاشاعات
الخلاصة : الاندومي ما بتموت ولا بتعمل سرطان ولا زهايمر بس هي أكلة غير صحية ممكن تتاكل مرة كل فترة بس ما بيصير تكون وجبة رئيسية ويفضل وقت ناكلها نحط معها خضار متل الجزر أو البازيلا أو الدرة المسلوقين حتى يصير في منها فائدة
