كرات البطاطا بالجبنه والساده

الطريقه :

سلقت 4 حبات بطاطا وبعدها منهرسن عالاخير

وبعدها منضيف البهارات يلي هي :

1- ربع معلقه ملح

2- ربع معلقه توم مطحون

3- ربع معاقه بابريكا حد

4- رشه فلفل

5- معلقه زبده كبيره مندوبها عالغاز

6- رشه طحين نص معلقه

7- رشه كعك مطحون نص معلقه

اذا بدك تحط جبنه فيك تحط ايا نوع وضيف مع الجبنه بقدونس لتعطي طعمه أطيب

………

منخلطن ببعض مع البطاطا للاخير وبعدها منحطن بالبراد نص ساعه بعد ما نسويهم كرات طبعا

بعدها منجيب 3 صحون منحط فيها اول صحن طحين

تاني صحن بيضتين

تالت صحن كعك مطحون

الكرات يلي سويناهن كل وحده منحطها بالطحين بعدين بالبيض بعدين بالكعك المطحون

وبس نخلص الكل منحط بالبراد نص ساعه

منحمي الزيت ومنسويهم ومنقلبن كل 10 ثواني احسن ما يفتحو معكن

صحه وهنا ..

تغمرنا السعادة برؤية تعليقاتكم .... اترك رد