يمكن مافي حدا من سكان الشام او من المارين فيها إلا وشاف هالبناء يلي قاعد لحالو ب أعلى جبل قاسيون واللي ممكن ينشاف من أغلب حارات الشام
أول شي مين الأربعين ؟
( هون رح ننقل حكي الشيخ الموجود فوق بالمقام )
هم الأربعون الأبدال يلي في عنهن أحاديث عن النبي صلى الله عليه وسلم
شو في كمان غير المقام فوق؟
كمان من حكي الشيخ :
فينا نشوف مغارة الدم يلي هون صارت اول جريمة قتل على سطح الأرض لما قابيل قتل أخوه هابيل
هلأ شغلة مهمة : يلي ناوي يطلع لفوق أول نصيحة لايطلع بسيارتو لأن مارح يوصل غير ل نص الطريق ويكمل مشي وكمان مارح يلاقي صفّة
تاني شغلة : لازم يكون عندك لياقة لا بأس فيها لتطلع لفوق لأن لتوصل لأول الدرج بدك همّة ونشاط
الشغلة الأهم : لاتضيعوا الفرصة لتطلعوا وتشوفو المناظر الخلابة والهوا النضيف فوق
