الأربعاء, سبتمبر 28, 2022
الرئيسيةفكاهات و نوادرنكت سورية و قصص و طرائف مضحكة جدا
فكاهات و نوادرمنوعات

نكت سورية و قصص و طرائف مضحكة جدا

مجموعة من النكت و القصص الصغيرة المضحكة على الطريقة الشامية أتمنى أن تعجبكم :

خلف ومرتو قرروا يروحوا يصيفوا على البحر ..
بس الزوجة صار عندها شغل وما قدرت تروح مع خلف و قررت تلحقه بعد عدة أيام .. !!
وصل خلف للفندق ..
وصار يرتب اغراضه بالغرفة ..
وبيتفاجأ بكومبيوتر محطوط عالطاولة ..
وفيه خط أنترنت ..
فخطر له فكرة أنو يبعت إيميل لمرته يفاجأها فيه ..
ولما كان عم يكتب ايميل زوجته
خربط بحرف وانبعت الإيميل لغير شخص ..
وصل لوحدة أرملة كانت راجعة من دفن زوجها ..
ولما كانت عم تفتح أيميلها ..
قرأت الأيميل المبعوت من الرجال ..
وصفرنت الأرملة فورا ..
ودخل أبنها عالغرفة وشاف أمه عالأرض مرميه ومغمى عليها
والأبن اتطلع عالشاشه وقرأ الايميل
زوجتي العزيزة ..
وصلت بخير !!
يمكن عم تتفاجئي لأنك عم تسمعي أخباري عن طريق الأنترنت ..
بس هلأ صار عندهم كومبيوترات هون ..
وبيقدر الواحد يبعت أخباره للأحباب ..
ما صرلي زمان واصل ..
واتأكدت أنو كل شي يكون مجهز لوقت وصولك لعندي الجمعه الجاية
اشتقتلك لك كتيييييييييير ….
وبتمنى تكون رحلتك مريحة…
متل ماكانت رحلتي…
ملاحظة : لا تجيبي معك كتيير أواعي لأنو كتيير شوب هون – جهنم
لا تتأخري ..
جاب اجلها
الله لايوفقك ياخلف

………………………………………………………..

إقرأ أيضا في موقع لحن الحياة

أجمل صور غلاف فيسبوك حديثة و جديدة

معلومات عن دول البلقان مع لمحة تاريخية عنها

اسباب قصور الغدد التناسلية و اعراضه و علاجه

شرح زمن المضارع التام في اللغة الإنجليزية مع الأمثلة الدرس 40

قصة السوري والمجدرة في المانيا

سوري مسافر لألمانيا قام أخد معه مجدرة لياكلها عالطريق اذا جاع فمسكوه بالمطار قالولو: شو هاد ؟
قلون : هي أكلة لذيذة مشهورة عنا…
طبعا أمن المطار شكوا بأمرو أخدوا من المجدرة عينة وراحوا حللوها لقوها كلها فيتامينات داقوها ولقوها طيبة .. قالولو : عطينا مجدرة واطلب أي شي بدك إياه ..
قلن : بدي أحدث شيء نزل بألمانيا ، عطوه سيارة شيفروليت كامارو 2017 ..
رجع فيها ع بلدو شافو صاحبو خلف قاله : شو القصة ياغالي منين هالسيارة ؟ حكالو القصة وشو صار معو…
راح خلف أخذ معو قطرميز مكدوس وطيران لألمانيا.. مسكوه في المطار وصار معو نفس الشيء .. وبعد ماداقوا المكدوسات وطار عقلهم فيه ..
قالوا له : اطلب أي شيء بس عطينا هالقطرميز ..
قلون خلف: بدي أحدث شيء نزل بألمانيا …
عطوه طنجرة المجدرة تبع رفيقوو

………………………………………………

هل تعلم
أنّ *ليوناردوا دافنشي* زار حلب ومن هناك اكتسب لقبه

والسبب في إطلاق هذا اللقب عليه أنه حين رسم لوحة الموناليزا خاف أن يقتله أهل البنت التي رسمها ..
لأنهم كانوا عائلة محافظة جداً ، فقرر ليوناردو إخفاء اللوحه …
فهرب الى سورية واستاجر بيت في مدينة حلب بمنطقة تل الزرازير…
وبعد فتره ذهب باتجاه نهر قويق بحثا عن ارض فارغه لدفن لوحته الشهيره ….
وبينما كان يهم في دفنها رآه ثلاثه من الشباب ، فصاحوا به “اش عبتعمل هون ولاك ” ؟
فلم يخبرهم
لاحظ الشباب التراب المنفوش فقالوا له: أكيد انت “دافن شي”

فقال نعم أنا “دافن شي” ..
ومنذ تلك اللحظة أصبح يطلق عليه
*”ليوناردوا دافن شي”*.

……………………………………………

ختيارة راحت عالسوق تشتري نونية لابن بنتها..

شافت صاحب المحل قاعد قدام الباب..

قالت له : مرحبا حجي ..

قالها :اهلين اٱمري …

قالتلو : الله يرضى عليك ..ناولني هالنونية من فوق راسك …

الزلمة تعوذ من الشيطان … وناولها ياها

قالتلو :شو نوعيتها كويسة وبتستحمل …

قال لها : ايه خيتو منيحة ..

قالتلو : بالله حط ضميرك فيها..وعطيني سعر احسن حتى حس اني مراعاية

الزلمة بدٱ الدم يطلع لراسه و يرتفع ضغطه ..

قالها : تكرمي حجة هاي حقها خمسمية ليرة …

قالتلو : يا باي ..!! كتير حاجتها مية ليرة ..

قالها : مابتوفي معي يا حجة …

قالتلو : بدي آخد هالنونية من هالوجه الحلو بمية ليرة ومابدفع اكتر…

البايع ضاق خلقه من الختيارة و بس بدو يخلص منها و من حكيها اللي بيسم البدن وبيرفع الضغط …

قال لها : طيب ماشي …خديها بمية ليرة وتيسري…

قالتلو : خيو اذا مو طالعة من عينك ماباخدها..

الزلمة قال : ياصبر ايوب طالعة من عيني روحي وخلصينا بقا…

قالتلو : باخدها …واذا زربت عليك ها….

يلي بيحب هالزلمة يروح يزوره بالعناية المشددة ..

…………………………….

دخل على زوجته و هي مشغولة بالبيت ف ندهلا
هو : يا مراه
هي : نعم
هو : تعالي لو سمحتي
هي : شو بدك
هو : تعالي بدي ياكي بموضوع
هي : يا حبيبي مشغوله عم اكوي تيابك
هو : تركي الكوي و تعالي
ثواني و اجت بلبس روعه ، و ريحتها اروع و ابتسامتها على وشا
هي : شو حبيبي
نظر إليها بابتسامه صفراء
و قال لها : أنا تزوجت عليكي
جلست على الكرسي وهي تنظر إليه
و قالت بصوت يرجف : شو قلت شو ؟؟؟؟!!!!!!!!!
هو : قلتلك تزوجت عليكي و يالله قومي خدي تيابك و روحي ع بيت اهلك
بدي سافر مع زوجتي التانيه كم يوم شهر عسل
نظرت اليه و حبست دموعها بعيونها و هي مصدقه و مو مصدقه … و قلبها عم يرجف
قالتلو حرام عليك شو عملتلك ؟ بشو زعلتك شو مقصره عليك
و بدون سابق انذار صرخ بوشا و قال:
قومي حطي تيابك بالشنته  و يلا انا عم انتظرك بالسياره لا تتأخري
طلعت و هيه خايفه و مبقبقه عيونها خوفاً من الخبر وحايره من اسبابه !!
شوي و اجت فتحت باب السياره و قعدت جنبو و بصوت مخنوق قالتلو :
ممكن تجيب الشنته ؟
نزل من سيارتو و اخد الشنتا و حطها بالمقعد الخلفي
شغل السياره و راح لبيت اهلا
شوي و صلوا لبيت اهلها و قاللها تفضلي انزلي
فتحت الباب و نزل قبلها و اخد الشنته و اجا من جنب بابها و مسك ايدها
و قالا : حبيبتي أنا ما اتزوجت عليكي بس أبوكي_مات
هي بدون شعور قالت
قووول والله
الف الف الحمد لله ياربي
من فرحتها ..
عم يقولوا فاتت على

عزا أبوها عم تضحك

…………………………………….

ﺍﻟﻘﺎﺿﻲ :
ليش قسمتي ﺭﺃﺱ ﺯﻭﺟﻚ شقفتين
ﻓﻘﺎﻟﺖ:
ﻳﺎ ﺣﻀﺮﺓ ﺍﻟﻘﺎﺿﻲ … ﻛﻨﺖ ﺃﺟﻤﻞ ﻃﺎﻟﺒﺔ ﻓﻲ ﻛﻠﻴﺔ ﺍﻟﻄﺐ … ﻭﻫﻮي ﺍﻟﻤﻌﻴﺪ.
ﺣﺒﻨﻲ. ﻭقلي:
رح خليكي ﺗﻌﻤﻠﻲ ﺃﺑﺤﺎﺛﻚ… ﻭﺗﺤﻘﻘﻲ ﺫﺍﺗﻚ ﻭكمان ﺳﺎﻋﺪﻙ ﻓﻲ ﺍﻟﺼﻐﻴﺮﺓ ﻭﺍﻟﻜﺒﻴﺮﺓ…
ﺑﻌﺪ ﺍﻟﺰﻭﺍﺝ … ﻣﺎ ﺣﺴﻴﺖ بحالي ﻏﻴﺮ ﻭﺃﻧﺎ عندي ﺃﺣﻤﺪ ﻭﻣﺤﻤﻮﺩ ﻭﺇﺑﺮﺍﻫﻴﻢ ﻭفرح ويارا….
ﻧﺴﻴﺖ ﺃﺑﺤﺎﺛﻲ ﻭﺃﺣﻼﻣﻲ ﻭإﻧﻲ صرت ست بيت
ﻛﻞ ﻣﺎ بطلب منو شي بيتهرب ومو ﻃﺎﻳﻖ ﻳﺴﻤﻊ ﺻﻮﺗﻲ ﻭﻻ ﺻﻮﺕ ﺍﻷﻭﻻﺩ…

تحملتو كتير . ﻟﻐﺎﻳﺔ امبارح……
اﻣﺒﺎﺭﺡ ﻳﺎ سيادة ﺍﻟﻘﺎﺿﻲ …
ﺑﻌﺪ ﻣﺎ ﺭﺿﻌﺖ ﺳﻠﻮﻯ…
ﻭﻏﻴّﺮﺕ ﻟﻤﺤﻤﻮﺩ …
ﻭسمّعت لأﺣﻤﺪ…
ﻭﺣﻠّﻴﺖ ﻣﻊ فرح الرياضيات
ﻭﻗﻠﻴﺖ ﺑﻄﺎطا ﻟﻸﻭﻻﺩ…
ﻭﻋﻤﻠﺖ ﺳﻨﺪﻭﻳﺸﺎﺕ …
ﻭﻛﻨﺴﺖ ﺍلبيت..
وﻟﻤﻴﺖ ﺍﻟﺰﺑﺎﻟﺔ…
وﻧﺸﺮﺕ ﺍﻟﻐﺴﻴﻞ …
ﻭﻧﻘﻌﺖ ﺍﻟﻔﺎﺻﻮليا..
ورحت ﺍﻟﺴﻮﺑﺮ ﻣﺎﺭﻛﺖ …
ﻭرحت ﻣﺪﻳﺮ ﺍﻟﻤﺪﺭﺳﺔ منشان ﺷﻜﻮﻯ ﻋﻠﻰ فرح…

عيطلي ﺍﻟﻤﺮﺣﻮﻡ … ﻭﻫﻮ متسطح عالكنبايه…
ﻭقلي ﺑﺼﻮت كلو برود وعدم مبالاة… ﻳﺎ ﻧﺎﺩيا
ﻣﻤﻜﻦ ﺃﻋﺮﻑ شو كنت تعملي ﻃﻮﻝ النهار ؟؟؟؟؟

ﻣﺎشعرت بحالي ﻏﻴﺮ ﻭﺃﻧﺎ ﺳﺎحبة ﺍﻟﺴﻜﻴﻨﺔ اللي ﻛﻨﺖ مقطع فيها البصل قلت بدي افتح ﺭاسو منشاﻥ شوف مخو ﻭﺃﻋﺮﻑ ﺟﻮاتو شو فيه

ﻋﻢ ﺍﻟﺼﻤﺖ ﺍﻟﺮﻫﻴﺐ ﺃﺭﺟﺎﺀ ﻗﺎﻋﺔ ﺍﻟﻤﺤﻜﻤﺔ …

ﺍﻟﻘﺎﺿﻲ ﻗﺒﻞ ﺍﻟﺠﻠﺴﺔ ﻛﺎﻥ داقق ل ﻣﺮتو ﻭﻗﺎيلا
بتمنى ﺃﻋﺮﻑ إنت شو كنت تعملي ﻃﻮﻝ ﺍﻟﻨﻬﺎﺭ ؟؟؟؟؟

ﻭالقاضي ﻟﻐﺎﻳﺔ ﺍليوم ﻧﺎﻳﻢ عند أمو ﻭخايف يرجع ﺍﻟﺒﻴﺖ

_لذلك أﻭﻋﻰ ﺣﺪا فيكم ﻳﺴﺄﻝ ﻣﺮتو اﻟﺴﺆﺍﻝ ﺍﻟﻐﺒﻲ هاد

ابراهيم ماهر
العلم يجعلنا نعبر عما في أنفسنا بطريقة سامية ويهذب نفوسنا وينير أعماقنا فنشفى من أمراضنا وهو طريق الهامنا

تغمرنا السعادة برؤية تعليقاتكم .... اترك رد