الرئيسيةفكاهات و نوادرنكت لن يفهمها إلا السوريين
فكاهات و نوادرمنوعات

نكت لن يفهمها إلا السوريين

شر البلية ما يضحك عنوان المواطن السوري في حياته اليومية .

النكت التي يتداولهاالسوريون على مواقع التواصل الاجتماعي ومعاملتهم مع واقعهم المرير بطريقة فكاهية ما بين التخفيف عن النفس ونقد للمسؤولين نقدمها اليوم لكم .

_ الله يرحمك يا ستي كانت تقول: خبز الغربة مالح ولو بالعسل عاجنينو وخبز الوطن طيب ولو بالمر خابزينو.

خطي الله يرحما كانت تشتغل بالتضليل الإعلام

_ بدي أسأل العالم يلي بفلسطين

اليهود بيرفعوا كل الاسعار بس يطلع الدولار؟؟

ولا بس عنا هيك؟🤔

_ الإنسان بيولد بدون اسم ، بدون دين ، بدون مذهَب ، بدون هويّة، بدون مصاري..

بيجو ببعطوه اسم ودين ومذهَب وهويّة وبيتركوه بلا مصاري 🙄

_ شعب بنق كتير 😒… وين الغلا بس فهموني انا هلق ب 1000 ليره جبت برتقان وفريز وموز واناناس وببسي.

حاج نق البلد فيا دروبس بكل النكهات … 😂😂

_ إقرأ أيضا في لحن الحياة

كيفية تحقيق التوازن بين العمل المستقل او الجانبي و الوظيفة بدوام كامل

قرحة المعدة – تعريفها وأسبابها والحمية المناسبة عند الإصابة بها

أسماء بنات مميزة لمواقع التواصل الاجتماعي فيس بوك وتويتر وانستغرام  

_ بس عنا بسورية 

ممكن تربح مركز اول وتاني اذا كنت قبضاي 

يعني متل كانك داخل بجمعية واخدت اول اسمين 😂

_ هل تعلم 

أنه لا يمكنك إضافة بصمة وجهك للآيفون 13 الجديد لأن وجهك مو وجه واحد معو 2200$ حق الايفون😅 

_ إذا منحط الكهربا والخبز والمواصلات وهالأمور ع جنب

بظن ما بيبقى في حديث فيك تفتحو مع ضيوفك🌚🥴

_لازم نصير نخبي المصاري بكتاب (حقوق المواطن) لأنه ماحدا بيفتحو🌚

_ المنتخب السوري اذا بيبقى لحالو بالملعب ما رح يفوز🥴

_ الحمدلله تحول بلادي من بلد زراعي إلى بلد صناعي…

يصنع من الحبة قبة ومن الفاسد مسؤول🥴

بعد خمسين سنة:

: بابا نحن ليش فقراء ؟

– جدك الله يسامحه كل الدنيا طلعت برا سوريا الا هو تمسك بالياسمين ومارضي يتركو💔

_ عم يقولو رح نصير متل دبي، 

بس متل قبل وقت كانت صحرا🥴

_صباحكن ياعمو، عطوني بلد بالعالم 

بعد عشر سنين حرب 

الشمس فيه بتهمس همس: صباح الخير سوريا. 😎

_ عند وفاة كبير اللصوص في عصر الجاهلية

 كتب وصية لأتباعه من السارقين والحرامية …

ومما قال في وصيته : 

لا تسرقوا إمرأة ولا جاراً ولا نبيلاً ولا فقيراً وإذا غُدر بكم فلا تغدروا بهم وإذا سرقتم بيتاً فاسرقوا نصفه واتركوا النصف الآخر ليعتاش عليه اهله ولا تكونوا مع الأنذال. 

لروحك السكينة ياكبير اللصوص ..🤲      

 الذين من بعدك خانوا الوصية وأخذوا الأخضر واليابس ولم يتركوا شيء🥴

_بدنا كراسي تيفال حتى ما تلزق مؤخرة المسؤول…

حلو عنا ولووو🥴

_ المطبات بألمانيا تقاس بالسانتي متر 

عنا بحلب بتطلع ع المطب بتشوف الجولان🌚

_ كل مابتذكر انو كان حق الفروج المشوي 275 ليرة وكنت أتغدى جظ مظ مابسامح حالي🥴

_ان شاء الله الف مبروك صارت جرة الغاز ب 10 آلاف لابقا تقليلي تعا وبدنا نتجوز شوفة عينك ابوكي رايح يطلق أمك ع هالغلا 🌚🥴

_ خايفين علينا من الفطر الأسود 

بس مو خايفين علينا

من الفقر الأسووووووود 

…👌😁

_ من رسائل الصفحة:

 كيف بقدر صير مليونير

واقدر اشتري قنينة غاز ومازوت للشتوية

_ كل العالم عندها شوية مشاكل بحياتها الا السوري عنده شوية حياة بمشاكلو🥴

_ رسالة لحكومتنا الموقرة

لبقى ترفعوا شي ..هي رواتبنا عندكم

اقطعوا منها وشو بيطلع علينا اخر الشهر بنحاسبكم 😂

_ خبير اقتصادي: مالها محرزة تشحوروا الصوبا🥴

_ من أحد المحلات…

الرجاء عدم التصفير عند سماع السعر، صفّر عند رئيس الوزراء🥴

_ في اخبار جديدة عن منحة ١٥ الف ل يلي مستشهد مرتين كلشي طلع برا البلد ومااستشهد رح تندمو🥴🌚

 

تغمرنا السعادة برؤية تعليقاتكم .... اترك رد