أسهل وأسرع طريقة لعمل فسيخ صحى

الفسيخ اكله لها محبيها خاصة فى شم النسيم وبعد رمضان وسعر الفسيخ غالى جدا 

تعالى وبالصور خطوة خطوة اعملى بنفسك فسيخ صحى وجميل وبملخ خفيف وفى اقل وقت .

المقاديـــــــــــر :- 

كيلو فسيــخ بورى 

2معلقة كبيرة ملح ابيض خشن

1/2 معلقة شطة حمرا 

كيس نضيف 

الطريقــــــــــــة:-

هنشطف السمك البورى كويس والخياشيم من اى تراب ونصفيه فى مصفى حتى يجف تماما .

بمنديل ورق هنعيد تجفيف للبورى عشان نضمن مايكنش به ماء .

وبعدين نعمل ليونه للديل فقط عشان الاعصاب تفك والملح يسرى بالسمكه بسهولة .

هنحطه فى طبق وندخله بكيس ونغلقه كويس ونتركه لحد ما ينفخ .

بعد حوالى خمس ساعات هيكون نفخ هنجففه من الميه

هنجيب طبق به معلقتين ملخ خشن ونص معلقة شطه ونفتح الخياشيم ونحط بكل سمكه معلقة كبيرة ملح ومضغط كويس على الملح ندخله الخياشيم كويس وبعدين ندعك جسم السمك بشوية ملح صغيرين قيمة نص معلقة صغيرة .

هنحط السمك فى كيس نضيف وكبير ونلفه باحكام بحيث نخرج الهوا منه .

هنحطه بمكان لا حر ولا بارد وبعد يومين هنقلبه على الجنب الاخر عشان يتشرب من ميه الملح اللى نزلت منه .

حوالى اسبوع او 5 أيام فقط فى الصيف هيكون الفسيخ استوى وريجته جميلة جدا .

تابعى الصور خطوة خطوة والف هنا وشفا على قلوبكم .