الخميس, سبتمبر 20, 2018
الرئيسيةطبخ وحلوياتالكشـــــــــــري المصــــــري
طبخ وحلويات

الكشـــــــــــري المصــــــري

الكشـــــــــرى المصرى اكلة المزاج وأكله الفقراء وعليها اقبال شديد خاصة فى يوم العيد بعد صيام شهر رمضان مفضلة لدى كل شرائح المجتمع يقبل عليها الجميع .

المقاديــــــــــر:

1/4 ك مكرونة اسباجيتى

1/4 ك مكرونه صغيــــرة

1/4 ك عدس بجبـــــة

كوب من الارز

5حبات طماطم

شطة حمراء

1/2ك بصل

طريقة التحضيـــــــــــــر:

فى اناء على النار هنسلق المكرونة فى ماء مغلى وشوية ملح ومعلقة زيت وبعدين نصفيها بالمصفى

فى اناء اخر هنسلق العدس بجبة وبعدين هتصفيه ونشطفه ونتركه جانبا

فى اناء أخر هنطهى أرز بالشعرية بوضع الزيت فى الاناء وهنحمر الشعرية ثم نغسل كوب الارز ونصفية ونضيفة للشعرية ونضيف ملح ونسوي الرز ونطفى عليه .

هنضرب الطماطم فى الخلاط وهنفرم 4 فصوص توم ونشوحهم فى الزيت ثم نضيف عصير الطماطم والشطة والملح لحد ما تتسبك نزيد ماء بحيث يكون القوام ثقيل نوعا ما .

فى طاسة القلى هنضيف زيت غزير ونقطع البصل حسب الرغبة حلقات او مربعات رفيعة ونقلبه فى الدقيق وننفضه  ونحمره كويس فى الزيت الساخن ولما يحمر ويكون ناشف ننشله من الزيت ونطلعه فى مصفى او على مناشف ورقية .

عند التقديم هنحضر طبق غويط ونضع الارز ثم المكرونه ثم الصلصة ثم العدس بجبة وفوقها البصل المقرمش وتقدم وبجوارها طبق الصلصة الحار وتزين بحمص مسلوق ويمكن الاستغناء عنه

والف هنا وشفا على قلوبكم .

فننى فى تقديم طبق الكشـــــــــــرى على طريقتك الخاصـــــــــة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *