بطاطس محمرة زى الجاهزة

البطاطس تعتبر من الاكلات الرئيسية التى تقدم مع معظم الواجبات الجاهزة او المعدة بالمنزل كالهمبورجر والشاورما ويفضلها الصغار خاصة وخلو البطاطس من الزيت وقرمشتها سر الاقبال عليها عشان كده هنقدم

وصفة للبطاطس المقلية زى بتاعة المطاعم

المقاديـــــــــر:-

1/2 ك بطاطس

كوب دقيق

1 معلقة كركم

2معلقة بكنج بودر

ملح

طريقة التحضيـــــــــــــر:–

هنقشر البطاطس ونقطعها صوابع ونغسلها ونصفيها كويس.

هنقلب المكونات الجافة مع بعض ( الدقيق – البكنج بودر – الكركم – الملح )

هنقلب صوابع البطاطس فى المكونات الجافة وهنتركها نص ساعة تكون اتشربت الخليط .

هنسخن الزيت وهنقلى البطاطس لحد ما تاخد اللون الدهبى وتكون مقرمشة .

والف صحة وهنا على قلوبكم .

• طريقة أخرى للحصول على بطاطس مقرمشة وخالية من الزيت وصحية

هنقشر البطاطس ونقطعها بالشكل المفضل وتغسل وتصفى

هنغلى مية وهنحط فيها خل وملح

هنضيف البطاطس فى الماء المغلى  لمدة دقيقة وهنشيلها ونصفيها من الماء كويس

هندخل البطاطس الفرن فى صنية لتحمر دون نقطة زيت وهتكون صحية تماما ومقرمشة