بيتزا الطاسة بدون فرن

بسم الله الرحمن الرحيم

هنشوف مع بعض بالصور اسهل طريقة عمل بيتزا فى الطاسة على البوتجاز بدون فرن

المقاديــــــــــر :-

1كوب دقيق

1/2 معلقة سكر وبكنج بودر

رشة ملح

رشة زعتر

1/2 كوب لبن او ميه

1/2 خميرة

رشة سكر للخميرة

طريقة الاعداد:-

هنقلب الدقيق والملح والزعتر والبكنج بودر والسكر سويا

هنضيف اللبن والخميرة البيرة مع بعض ورشة سكر وندوبهم كويس .

 

هنضيف الدقيق ونعجن المكونات.

هنغطى العجينة لحد ماتخمر .

هنجهز الخضراوات والاضافات اللى هنحطها للبيتزا

( 1طماطم  – فلفل اخضر – صلصة طماطم – زيتون – سوسيس – جبنة موتزريلا )

اى اضافات موجوده عندك ممكن تضيفيها

هندهن الطاسة ونفرد فيها العجينة وبعدين نحط الصلصة وتكون بعدين عن الحروف عشان ما تتحرقش

هنضيف السوسيس والزيتون والطماطم والجبنة

هنحط الفلفل الالوان حسب الموجود عندك

هنولع شعله البوتجاز تكون زى الشمعة على الهادى ونحط الطاسة .

حوالى ربع ساعة هتكون استوت معايا كويس وممكن نحمرها تحت الشواية ان حابه وشها يكون محمر.

هنقطعها والف هنا وشفا.

 

تغمرنا السعادة برؤية تعليقاتكم .... اترك رد