المقاديـــــــر:-
1كيلو ممبار
1ك أرز
3/4 ك طماطم
2بصلة مقطعة رفيع
كسبرا وشبت أخضر مغسول ومقطع رفيع
زيت او سمن حسب الرغبة
ملح وفلفل اسمر وبهارات
طريقة الاعداد :-
هنضف الممبار كويس وننقعه فى ميه وخل وليمون ونقلبه ونشطفة ونصفيه كويس.
هنقطع الممبار حجم متساوى مش كبير.
هنجهز الخلطة :-
فى طاسة على النار هنضيف الزيت او السمن .
هنضيف لهم البصل المقطع رفيع ومعه فلفل اخضر مقطع حلقات ونشوحهم
هنضيف عصير الطماطم المضروب فى الخلاط .
هنضيف التوابل والبهارات والملح.
لما تنشف الطماطم هنغسل الارز ونصفيه ونضيفة للصلصة مع التقليب لحد ما ينشف .
هنتاكد ان الملح مظبوط .
هنضيف الخضرا المخرطة رفيع الشبت والكزبرة والبقدونس
هنترك الحشوة تبرد .
هنولع على النار ونحط حله بها نصها ميه ولما تغلى نضيف ورق لورو وحبهان وملح وفلفل عشان نسوى فيها الممبار
هنحشى الممبار ومش هنملاه قوى لان الرز هيخرج منه فى الميه .
ننزل الممبار فى الميه من ناحية الفاتحه عشان تقفل ولما تغلى نهدى عليها لحد ما تستوى .
لما يستوى الممبار هنطلعه من الشوربة ونصفية كويس ونشيل اى رز عليه من بره .
هنسخن طاسة زيت وهنحمر الممبار فيها على كل الجوانب وبعدين نطلعه فى مصفى يصفى من الزيت.
يقدم ساخن والف هنا وشفا
