طريقة عمل المهلبية التركية

المهلبية نوع من أنواع الحلوى الرمضانية السهلة وسريعة الاعداد وعليها أقبال شديد

بالصور هنشوف مع بعض طريقة عمل المهلبية التركية اللذيذة ومكوناتها بسيطة وسهلة التحضيــر.

المقاديــــــــــــر:-

1/2 كوب من السكر

1/2 كوب دقيق

1/4 كوب من النشا

1ك حليب

50جم زبدة

فانيليا

كيس كريم شانتية

طريقة التحضيــــر:-

• هنقلب المكونات الجافة مع بعض ( الدقيق _ النشا _ السكــر ).
• هنضيف اللبن للمكونات الجافة مع التقليب المستمر وهنحطه على النار مع الاستمرار فى التقليب .
• هنضيف الزبدة والفانيليا لخليط اللبن قرب الغليان وهنقلبهم .
• بعد ما يغلى الخليط ويتقل هنطفى النار عليه .
• هنضيف مكونات كيس الكريم الشانتية للمهلبيه وهنضربها بالخلاط جيدا لمدة 5 دقايق .
• هنفرغ المهلبية فى الكاسات او اطباق التقديم حسب الرغبة .
• بعد ما تبرد المهلبية هنرش على وشها مكسرات حسب الرغبة  على حواف الكاسات وهندخلها التلاجة .
• أضافة السكر

اضافة النشا والدقيق

اضافة اللبن للمكونات الجافة مع التقليب

اضافة الزبدة

اضافة ظرف فانيليا للمهلبية

لاضافة الكريم شانتية

خفق الكريم شانتية مع المهلبية 5 دقائق

الف صحة وهنا على قلوبكم