مقاديــــر الحشوة:-
ربع ك دجاج بانية او صدر فرخة مقطعة شرائح
بصلة متوسطة
فلفل الوان
جزرة مبشورة
واحدة طماطم مبشورة
مقادير الكانيلونى :-
كوب لبن حليب
3 بيضات
كوب دقيق
ملح
فلفل اسمر
بكنج بودر
الطريقــــــــة:-
هنحط اللبن والبيض والدقيق فى الخلاط مع الملح والفلفل الاسمر وشوية بكنج بودر ونضربهم كويس وهنتركهم لحد ما نعمل الحشوة على النار.
هنقطع الدجاج المتبل بالبصل شرايح زى الشاورما رفيعة .
هنسخن الطاسة بها معلقتين زيت .
هنضيف فيها الدجاج والفلفل الالوان ونشوحهم وهنحط معهم البهارات المفضلة مع الملح والفلفل الاسمر والكركم والزعتر .
هنضيف الجزرة المبشوة مع التقليب وبعدين هنضيف الطماطمة المبشورة ونقلبهم سوى ونترك الحشوة تبرد .
هنقلى الكانيلونى فى طاسة صغيرة مدهونه بالزيت هنصب مقدار من الخليط ونفرده بالطاسة وبعدين نقلبها على الوش التانى وتكرر العملية حتى نفاذ الخليط وممكن نحتفظ بالباقى لمرة تانية بالتلاجة .
هنحشى الكانيلونى ونرصه فى صنيه ونحط على الوش كاتشاب وندخله الفرن يحمر وممكن نزود جبنة موتزريلا ان عندنا .
والف هنا وشفا.
