طريقة عمل كفتة الارز

 

المقاديـــــــــــــر:-

1/2ك لحمة حمرا

1/4 ك رز

بصلة صغيرة

5فصوص توم

خضرا بقدونس وكزبرة

ملح وفلفل اسمر وبهارات  مشكلة

قرن فلفل اخضر واخر حار

زيت للقلى

طريقة التحضـــــــــــــــــر:

  • هنخلط المكونات السابقة اللحمة والبصل والملح والتوابل والارز والخضرا وهنطحنها فى الكبة حتى تنعم وممكن تطحن لدى الجزار باعطائه باقى المكونات وفرمها مع اللحم 3 مرات.
  • نضع الكفته فى الثلاجه او الفريز حتى تجمد شوية ونعرف نشكلها
  • هنجيب طبق فيه قليل من الزيت هندهن ايدنا ونقطع الكفتة احجام متساوية وهنشكل الكفته صوابع او كور حسب الرغبة .
  • فى زيت حامى هنقلى الكفته وننشلها فى مصفى
  • هنضع اناء على النار وهنضع به قليل من الزيت
  • هنضع بصله مقطعة رفيع فى الزيت ونقلب ونضع فلفل اخضر ونشوحهم وبعدين نضيف عصير طماطم حتى يتسبك الصلصة
  • هنضيف الملح والبهارات ونزيد شوربة  ونتركها تغلى ثم نضيف الكفته لمدة 10 دقائق ونطفى النار وتقدم بالف هنا وشفا بجوار الارز

 

تغمرنا السعادة برؤية تعليقاتكم .... اترك رد